Жариялау этикасы

Бекітілген

Академиялық және зерттеу (Ғылыми) кеңесі

Мақсұт Нәрікбаев Университеттері

2021 жылғы "4" мамырдағы № 63 хаттама.

 

Заң ғылымының дамуына жәрдемдесу мақсатында, халықаралық ғылыми кеңістіктегі қазақстандық заң ғылымының тұсаукесерлері, халықаралық ғылыми байланыстарды нығайту, " Құқық және Мемлекет" журналында ғылыми жарияланымдар сапасының жоғары деңгейін қамтамасыз ету, оны халықаралық ғылыми журнал ретінде дамыту, "Құқық және мемлекет" журналының осы күнгі редакциялық саясаты және жариялау этикасы бекітілді. Оны сақтау жарияланым-редакциялық процестің барлық қатысушылары үшін міндетті болып табылады.

Жарияланым-редакциялық процеске кіре отырып, қатысушылар төменде келтірілген қағидаттарды басшылыққа алуға және этикалық емес мінез-құлыққа жол бермеуге міндеттенеді.

Баспагер және журналдың тақырыптық бағыты

1. "Құқық және мемлекет" журналы 1997 жылдан бастап М. С. Нәрікбаев атындағы КАЗГЮУ Университетімен шығарылады.
2. Журнал жұмысын халықаралық редакциялық кеңес, редакциялық алқа және журнал редакциясы ұйымдастырадып қолданылады.
3. Журнал заңдық ғылыми және ғылыми-ақпараттық басылым болып табылады, онда қазақстандық және шетелдік авторлар Мемлекет пен құқықты дамытудың жалпы заңдылықтары, құқықтық саясатты, құқықтық реттеу мен мемлекеттік басқаруды жетілдіру жөніндегі тарихи, салыстырмалы-құқықтық және өзекті ғылыми-қолданбалы салалық зерттеулер мәселелері бойынша өздерінің ғылыми жұмыстарының нәтижелерін жариялайды.
4. Журналда ғылыми мақалалардан басқа, жаңа ғылыми заң басылымдарына пікірлер, мемлекет және құқық мәселелері бойынша маңызды ғылыми конференциялар туралы шолу және ақпараттық мақалалар жарияланады.
5. Мақалалар қазақ, орыс, ағылшын тілдерінде жарияланады. Әр мақалада автор, тақырып, аннотация және түйінді сөздер жарияланым тіліне қарамастан үш тілде – қазақ, орыс, ағылшын тілдерінде беріледі.
6. Журналдағы мақалалар тегін жарияланады, авторларға қаламақы төленбейді. Барлық авторларға жарияланған журналдың электрондық данасы жіберіледі.
7. Журналдың барлық мақалалары ашық қолжетімділікте орналастырылады, оларды жеке тұлғалар, кітапханалар, жоғары оқу орындары, ғылыми және өзге ұйымдар тегін жүктей алады.

Ғылыми жарияланымдар авторларының жарияланым этикасы

1. Авторлардың редакцияға жолдайтын материалында (бұдан әрі – ғылыми мақала) қамтылатын ақпарат бірегейлігімен және өзектілігімен ерекшеленуі керек.
2. Авторлар бұрын жарияланбаған, басқа басылымдарда жариялауға арналмаған және олардың қарауына ұсынылмаған, мәтіннің соңында бұл туралы тиісті жазба жасалған ғылыми мақаланы ұсынуға міндеттенеді. Болмаған жағдайда авторлар бұл туралы журнал редакциясына хабарлауы керек.
3. Редакцияға мақаланың электрондық нұсқасы, автордың фотосуреті (дұрысы құжатқа арналған емес, көркем сурет). Соңғы беті де сканерленген нұсқада автордың қолымен жіберіледі.
4. Авторлар ғылыми мақаланың мазмұнына, онда ұсынылған деректердің, оның ішінде тең авторлық жайлы мәліметтердің дұрыстығы мен толықтығына жауап береді.
5. Авторлар қателіктер, ғылыми және нақтылық сипаттағы дәлсіздіктер, деректерді бұрмалау және ойдан шығару, авторлық құқықты бұзу, плагиат үшін жауап беред
6. Плагиаттың кез келген түріне және көрінісіне жол берілмейді. Өзге адамдардың ғылыми зерттеулерін пайдаланған немесе дәйексөздерін келтірген жағдайда тиісті дереккөзге сілтемені көрсетуге және оны библиографияға енгізуге міндетті.
7. Авторлар журналда қолданылып жүрген ережелерге сәйкес ғылыми мақаланың, оның ішінде сілтемелер мен библиографияларды тиісті ресімделуін қамтамасыз етуі тиіс.
8. Ғылыми мақаланы қайта өңдеу және пысықтау қажет болған жағдайда авторлар журналдың редакциясымен қажетті түзетулерді енгізу бойынша бірлесіп жұмыс жасауға міндеттенеді.
9. Авторлар дәйексөзді манипуляциялауға жол бермеуі керек, атап айтқанда, үлестес тұлғаның (ғылыми жетекшілер, әріптестер және т.б.) дәйексөзін шамадан тыс және орынсыз келтіру және мақаланың тақырыбына сәйкеспейтін, орынсыз өз дәйексөзін келтіру.
10. Авторлардың ғылыми зерттеулердің нәтижелерін жариялау үшін мақалалар дайындау жөніндегі агенттік қызметтеріне (аудармашылардың қызметтерін пайдаланудан басқа) жүгінуіне, авторлар құрамын бұрмалауға, - мақалалардың авторлары болып табылмайтын адамдарды авторлар құрамына енгізуге немесе алып тастауға және жалған авторларды көрсетуге тыйым салынады.
11. Магистранттар, магистрлер, ізденушілер, аспиранттар мен докторанттар, егер мақалалар оларға арнайы тапсырыс берілмеген болса, редакцияға мақаламен бірге ғылыми жетекшінің рецензиясын ұсынады, содан кейін мақала белгіленген қосарланған «жасырын» рәсімінен өтеді.
12. Журналда жарияланған барлық мақалаларға DOI халықаралық тіркеу нөмірі беріледі, оны мақалада дәйексөз келтіргенде және библиографиялық сипаттау барысында көрсету міндетті болып табылады.

Журнал редакциясының жарияланым этикасы

1. «Құқық және мемлекет» журналының редакциясы қолданыстағы заңнамаға, сондай-ақ «Maqsut Narikbayev University» Жарғысына сәйкес оның ресми өкілі болып табылады.
2. Журнал редакциясы бұрын жарияланбаған, басқа басылымдарда жариялауға арналмаған және олардың қарауында жоқ, мемлекет және құқық саласындағы жаңа өзекті ақпаратты және бірегей ғылыми зерттеулердің нәтижелерін қамтитын ғылыми мақалаларды қарауға қабылдайды.
3. Ғылыми мақалаларды қабылдау кезінде журналдың редакциясы кемсітпеу қағидатын басшылыққа алады және келіп түскен материалды оның ғылыми маңыздылығы, құндылығы, сапасы мен ресімделуі, журналдың ғылыми бейініне сәйкестігі тұрғысынан ғана бастапқы бағалауды жүзеге асырады.
4. Ғылыми мақаланы қарау барысында журнал редакциясы ондағы ғылыми зерттеу нәтижелерін қандай да бір мақсатта пайдаланбауға міндеттенеді. Мұндай пайдалануға ғылыми мақала ресми жарияланғаннан кейін, оған сілтеме тиісті түрде ресімделгеннен кейін ғана жол беріледі.
5. Журнал редакциясы рецензенттер тағайындағандарды қоспағанда, қараудағы және/немесе рецензиялаудағы авторлардың материалын үшінші тұлғаларға бермеуге, сондай-ақ авторлардың материалын басқа журналдарға бермеуге міндеттенеді.
6. Рецензенттер, редакциялық алқа ғылыми мақаланы қабылдамаған жағдайда, журнал редакциясы бас тарту себептері бойынша автормен пікірталас жүргізбеу құқығын сақтайды.
7. Журнал редакциясы ғылыми мақаланы қосарланған «жасырын» рецензиялау, сондай-ақ қажет болған жағдайда қосымша немесе қайта рецензиялау (елеулі ескертулер мен маңызды пысықтаулар болған жағдайда) рәсімі арқылы қарау кезінде объективтілікті қамтамасыз етуге міндеттенеді.
8. Журнал редакциясы мақаланың мәтініне, оның ішінде рецензенттердің пікірін ескере отырып және мақаланы журналда мақалаларды ресімдеудің қабылданған стандарттарына сәйкес келтіре отырып, техникалық және шамалы редакциялық өзгерістер енгізуге құқылы.
9. Ғылыми мақаланы рецензиялауға жіберген кезде журнал редакциясы шарттық немесе жалған рецензиялауға, сондай-ақ рецензенттің өзінің ғылыми мақаласына рецензия ұсынуына жол бермеуге тиіс.
10. Журнал редакциясы редакциялық процестердің құпиялылығын сақтауға міндеттенеді.

Рецензенттердің жарияланым этикасы 

1. Журналдың редакциясына келіп түскен ғылыми мақалаларды рецензиялауды редакциялық алқаның мүшелері, ал қажет болған жағдайда – редакциялық кеңестің мүшелері және өзге де рецензенттері, мақала тақырыбының бейіні бойынша мамандары жүзеге асырады.
2. Журнал автор және рецензенттің кім екенін ашпайтын қосарланған «жасырын» рецензиялау саясатын ұстанады. Қосымша және қайталама рецензиялаудың рецензенттері де жарияланбайды. Қайталама рецензент бастапқы қосарланған «жасырын» рецензиялаудың рецензенті болуы мүмкін.
3. Рецензиялау рәсімі ғылыми мақаланың ғылыми маңыздылығын, жаңалығын, құндылығын, тұжырымдарының негізділігі мен сапасын объективті және дәлелді бағалау дегенді білдіреді.
4. Рецензенттер өздеріне тапсырылған ғылыми мақалаларды адал және бекітілген мерзімде (әдетте 10 күннен аспайтын мерзімде) олардағы көшірілген мәтіннің бар-жоғын тексере отырып, рецензиялауды жүзеге асыруға міндеттенеді. Рецензенттер редакцияны бекітілген мерзімде рецензиялауға кедергі болған белгілі себептердің болуы туралы редакцияны жедел түрде ақпараттандыруға міндетті.
5. Редакциялық алқа мүшесінің мақалаларды рецензиялаудан бірнеше рет бас тартуы және рецензиялау мерзімін бұзуы редакциялық алқа құрамынан өз еркімен шығу қажеттігін және оны басқа редакциялық алқа мүшесімен ауыстыруды білдіреді.
6. Рецензенттер рецензияда ғылыми мақаланы қайта өңдеу және пысықтау қажет болған жағдайда оның авторына жеткізуі тиіс ұсынымдардың мәнін білікті, қысқа әрі нақты тұжырымдауға міндеттенеді.
7. Ғылыми мақаланы рецензиялау процесінде рецензенттер ондағы ғылыми зерттеу нәтижелерін қандай да бір мақсатта пайдаланбауға міндеттенеді. Мұндай пайдалануға ғылыми мақала ресми жарияланғаннан кейін, оған сілтеме тиісті түрде ресімделгеннен кейін ғана жол беріледі.
8. Рецензенттер қараудағы және/немесе рецензиялаудағы авторлардың материалдарын үшінші тұлғаға бермеуге міндеттенеді.
9. Рецензенттер мақалаларда плагиат фактілері барын анықтаған, сондай-ақ олардың пікірі бойынша мазмұны және рәсімделуі бойынша журналдың талаптарына сәйкес келмейді деп шешкен жағдайда өзінің шешімін негіздей отырып, бас тартуға құқылы.

• Рецензенттер шарттық немесе жалған рецензиялау түріндегі этикалық емес мінез-құлыққа, сондай-ақ өздерінің ғылыми мақалаларына рецензия беруге жол бермеуі тиіс.
• Редакциялық алқадағы жұмыс, «Құқық және мемлекет» журналындағы мақалаларды рецензиялау және аталған журналда мақалаларды жариялау «MAQSUT NARIKBAYEV UNIVERSITY» профессорлық-оқытушылық құрамын аттестаттау кезінде ескеріледі.